မိူဝ်ႈဝၼ်းထိ 26 November 2018 ၸဝ်ႈၶူးလူင် Prof. Dr. ၶမ်းမၢႆ ထမ်မသႃမိ ႁွတ်ႈၽႅဝ်မႃးတီႈ ၶူင်ႇႁိူဝ်းမိၼ် ပၢၼ်ႇ တရၼႃႇယၵေႇ၊ မိူင်းသီႇရိလင်းၵႃယူႇယဝ်ႉ။ ဢၼ်ပဵၼ် ၽူႈပွင်ၵၢၼ်ပၢင်ၵုမ် ၶွၼ်ႇၾရႅၼ်ႉၶဝ်ႈ လႄႈ ၸဝ်ႈပီႈၸဝ်ႈၼွင်ႉ လုၵ်ႈႁဵၼ်းသင်ႇၶတႆးၵေႃႈ လႆႈၵႂႃႇပႂ်ႉႁပ်ႉႁူမ်ၸူမ်းၸွမ်းတီႈၶူင်ႇႁိူဝ်းမိၼ်ယူႇယဝ်ႉ။
ၸဝ်ႈၶူးလူင် Prof. Dr. ၶမ်းမၢႆ ထမ်မသႃမိ မႃးလိုဝ်ႈသဝ်းတီႈ ႁူင်းသဝ်း Hotel Galadari, Sri Lanka, ၸဝ်ႈပီႈၸဝ်ႈၼွင်ႉ ဝႆႈသႃၵၼ်ႇတေႃးသေ ၸွႆႈၵၢၼ်ၸဝ်ႈၶူးလူင် တွၼ်ႈတႃႇပၢင်ၵုမ်ၶွၼ်ႇၾရႅၼ်ႉ တေၶႅမ်ႉလႅပ်ႈ ငၢႆႈငႅမ်ႈၵႂႃႇၼၼ်ႉ ၸဝ်ႈၶူးၶမ်းသႅင် ၵွၼ်တိၺ်ၺ (မိူင်းသူႈ) ႁဵတ်းၵေႃႉၵႅမ်တူဝ် ၸဝ်ႈၶူးလူင်သေ ၸဝ်ႈၶူးၸႃရိတ်တ (လၢႆးၶႃႈ) ဢဝ်ပုၼ်ႈၽွၼ်း ၽၢႆႇထႆႇႁၢင်ႈ ဢဝ်တီႈမၢႆတွင်း မီႇတီႇယႃႇၸွမ်းယူႇယဝ်ႉ။